Prosit xbin ilqat il-musmar fuq rasu - ma stajtx tiddeskrivhom ahjar lill dawn it-tradituri.  Hekk hu hafna minnhom issibhom ukoll fil-kunsill parrokjali.  M'hux ovvja? la huma l-hbieb tal-kapillan/arcipriet bihom irid jinqeda biex iwettaq dak li jkollu fi hsiebu ghax huma jghidulu Yes Sir.  Tghid m'hux ser issib xi dilettant tal-festi f'dawn il-kunsilli.  Niftehmu dawn in-nies huma nies twajba imma m'ghandhomx kuragg jieqfulu meta il-kappillan jigi b'xi ideaj brillanti biex per ezempju jaghmel l-ghasar bil-Malti flok bil-Latin, jew ideffsu waqt il-quddies, ghal nhar il-festa ma jnehhix l-artal mejda ecc.  Jista jaghti l-kaz li dawn in-nies ma jkollhomx kontra t-tradizzjonijiet tal-festi u gieli tarahom f'parrocci ohra jiehdu gost bit-tradizzjonijiet ta' haddiehor imma meta l-bojja tal-parrocca jiddeciedi li jaqta dawn l-uzanzi ma jieqfulux jew ghall-anqas jitilqulu u jhalluh wahdu - le ibaxxu rashom - jekk ma jargumentawx ukoll li dan kollu skond l-ispirtu tal-Koncilju u ghalhekk jehtieg li naggornaw ruhna u m'hux nibqghu marbutin ma l-antik!!

Ifhem ma nahsibx li ghandhom xi gwadann finanzjarju, forsi jgawdu minn xi ikla u l-parties tal-festa, xi cake fil-Milied pero l-aqwa gwadann hu li  jkunu meqjusa bhala ta' awtorita, joqghodu fir-ringiela ta' quddiem waqt il-funzjonijiet solenni, jitilghu jaqrawit-talb tal-fidili, jaghmluha ta' appostli f'hamis ix-xirka, joqghodu fl-intrata tal-kappillan waqt xi marc jew attivita tal-parrocca halli n-nies tarhom u tghoddhom b'nies rispettabbli ghax midhla tal-kapillan ecc ecc.

Tant huma mercenarji dawn in-nies li meta jinbidel kappillan dlonk tarhom jaraw kif jiddefsu mal-kappillan il-gdid halli jkomplu jaghtu "servizz" lill-parrocca.

Nerga nghidlek li iva hemm bicciet minnhom li ghandhom gwadann finanzjarju, u allura dawn minflok jahdmu ghall-gid tal-parrocca jispiccaw dejjem jaqblu ma' dak li jghid l-arcipriet jew kappillan.  Dawn in-nies fl-ahhar mill-ahhar jisoiccaw jahdmu ghalihom u ghal buthom u mhux ghall-parrocca.

Ghalfejn ma tidholx fil-kunsill parrokkjali int u dawk kollha li ghandom ghall-qalbhom il-festa halli jkun hemm vuci ohra kontra dawk li jghidu kollox iva lill-kappillan jew l-arcipriet? 

 


1.   Ghax ma jhallukx

2.  Ghax hadd ma jaf x'inhi l-procedura, (Jekk tezisti !!!)

3.  Xi hadd qalli li l-kappillan/arcipriet stess jaghzilhom (u jaghzel lil min irid hu u kif jaqbillu ... jigifieri jaghzilhom b'mohhu halli meta jigu ghal-laqghat kulhadd jghid tieghu imma fl-ahhar kelmet il-kappillan tghaddi.)

4.  Jekk issaqsi min hemm fil-Kunsill Parrokjali taghna ma nafx nghidlek min huma ghax hadd ma jafhom.

5.  Nixtieq inkun naf jien jekk il-kunsill jibqax bl-istess nies anke wara li jinbidel il-kappillan/arcipriet?

Issa ipprova rrispondini fuq dawn.

Siehbi, ha nipprova nwiegeb ghall-mistoqsijiet li ghamilt f'dan il-forum:


1.    Ghax ma jhallukx

 

Kulhadd jista` jattendi dawn il-laqghat. Ma nahsibx li jaghmlu xi restrizzjonijiet.

2.  Ghax hadd ma jaf x'inhi l-procedura, (Jekk tezisti !!!)

 

Il-procedura semplici hija li tara meta se terga` ssir laqgha tal-kunsill parrokkjali u kun hemm. Imbaghad staqsi lil dawk li jattendu jekk hemm xi procedura jew le.

3.  Xi hadd qalli li l-kappillan/arcipriet stess jaghzilhom (u jaghzel lil min irid hu u kif jaqbillu ... jigifieri jaghzilhom b'mohhu halli meta jigu ghal-laqghat kulhadd jghid tieghu imma fl-ahhar kelmet il-kappillan tghaddi.)

Ma nafx minn fejn int u ma nafx fuq liema kriterja dawn it-talin geww maghzula fir-rahal jew belt tieghek. Ghandu mnejn dawn geww maghzula ghax huma rappresentanti ta` ghaqdiet socjali u/jew religjuzi fir r-rahal jew belt tieghek. Jista` jkun li dawn hadu nteress u geww ghall-laqghat parrokkjali u ohrajn le.

4.  Jekk issaqsi min hemm fil-Kunsill Parrokjali taghna ma nafx nghidlek min huma ghax hadd ma jafhom.

Jekk gew maghzula mill-kappillan jew arcipriet, mela hemm xi hadd li jaf min huma. Staqsi naqra fir-rahal jew belt tieghek; ara minn hu c-chairman jew segretarju tal-kunsill parrokkjali; staqsi lill-ghaqdiet socjali u/jew religjuzi ghal aktar taghrif. Jekk ma tasalx hekk staqsi lill-kappillan jew arcipriet jew xi qassis jew religjuz iehor.

5.  Nixtieq inkun naf jien jekk il-kunsill jibqax bl-istess nies anke wara li jinbidel il-kappillan/arcipriet?

 

Jiddependi xi jghid l-istatut.

Issa ipprova rrispondini fuq dawn.

 

Nispera li kont ta` ghajnuna.

Habib dawn ir-risposti li tajt huma kollha zbaljati.

1 Il-laqghat m'humiex pubblici - dawn isiru fil-maghluq jew fis-sala parrokjali, jew fl-ufficcju parrokjali jew f'xi centru ecc.  Xi hsiebthom il-laqghat tal-Kunsill Lokali jew?  Qas dubbiena ma tithalla tidhol ahseb w'ara xi dilettant tal-festi.

2 Kif ghitlek min m'hux imsejjah ghall-madwar il-mejda ma jistax jattendi

3 Il-Kunsill Parrokjali hu ffurmat BISS minn raprezentati ta' l-ghaqdiet religjuzi  Ghaqdiet Socjali m'humiex mistednin.  Pero bizzejjed tkun tal-qalba mal-kappillan imbghad ideffsek hu f'xi prayer group jew fil-legion u imbghad minn hemm idahhlek fil-Kunsill.

4.  Nerga nghidlek ghaqdiet socjali m'humiex raprezentati

.

5.  Ma nafx li jezisti statut. imma dwar dan m'inhix cert.

Skuzani...imma jien tkellimt fuq l-esperjenza tieghi fejn noqghod jien u l-affarijiet li semmejt inti rigward il-kunsill pastorali parrokkjali ma jsirux. Nissugerilek li xorta tindaga naqra.

Grazzia

Dan kollu juri kemm hawn nuqqas ta' ugwaljanza u nuqqas ta' uniformita` bejn il-parrocci.

Fid-dawl ta' dan it-taghrif kollu, nahseb li sahhaht hafna mill-konkluzjonijiet li ili li ghamilt.  Jekk il-kunsill pastorali parrokkjali huwa ffurmat min-nies li huma diga f'ghaqdiet religjuzi, allura taghmel ftit kontijiet l-aktar oggett li ser jigi indirizzat hija l-hidma pastorali.  U l-hidma l-ohra materjali?  Il-hidma kulturali?  L-aspett storiku tar-rahal?  Dan allura ghnadu jigi traskurat?  Issa li hadt idea bejn wiehed u iehor tat-tip ta' nies li jkunu f'dan il-kunsill nahseb li nista' nghid, li dawn in-nies il-festa mhux dejjem tkun toghgobhom ghax hafna minnhom jiddeskrivuha 'pagana', meta l-knisja stess torganizza.  Naturlalment jien qed nitkellem fuq il-festi ta' gewwa, ghax dan forum fuq il-festi interni u mhux ta' barra.  Temmnu li hawn nies li ma jahmlux jaraw opri godda jew sahansitra opri restawrati?  U jiddispjacini nghid li hafna minn dawn issibhom fil-kunsill pastorali.  Iva, hafna minn dawn in-nies li jkunu ossessjonati bl-ispirtwalita`, li f'kull haga jridu bilfors jghidu li dik hija pagana, u li dik hija kwazi kwazi dnub, sfortunatament ikunu parti minn dan il-kunsill pastorali.  Fi ftit kliem il-kunsill pastorali parrokjali jkuniffumrat min-nies ta' certu spiritwalita` imma mbaghad hafna minnhom u nerga nghid hafna minnhom ma jinteressahom xejn mill-affarijiet sagri kulturali tal-knisja u nazzarda nghid li hafna minnhom lanqas ikunu jafu x'inhi quddiesa tridentina, jew x'inhu Summorum Pontificium, l-importanti li mmorru puliti l-knisja u meta jasal il-waqt naqbdu dik l-imbierka kitarra u nuzaw il-kliem tal-grupp Abba jew minn xi musical u npoggulu kliem religjuz ghal waqt l-introjtu jew it-tqarbin.  Zgur ma rridx niggeneralizza.  Imbaghad hemm parrocci fejn l-affarjiet sagri u kulturali tal-knisja huma f'idejn nies li jafu kif imorru l-affarijiet tal-knisja.  Tghid mhux se tmur iz-Zejtun jew iz-Zurrieq jew Bormla u tara dawn l-affarijiet!  L-isfortuna hija li min imexxi jkollu agenda, u qieghdin ninnutaw li fl-agenda qieghed ikun hemm lijonqsu l-affarijiet tradizzjonali u kulturali tal-festi interni.  M'ilux qrajt dak il-post dwar Hal tarxien.  verita' kollu verita'.  Dinis-sena sar taqlib kbir fl-Ghosrien taghhom.  Dan sew ghiduli?  Dan sew?  Mela allura l-kurja ghaleix waqqfet Kummissjoni Kultura?  Biex noqoghdu naghmlu l-festival tal-korijiet Maltin?  Li veru, inizjattiva sabiha imma dan il-kunsill irid jahdem bis-serjeta` biex dak li hemm fil-parrocci jigi salvagwardjat minn taht idejn li ma jifhmux.  Jew inkella s'sens fih li twaqqaf 'Kummissjoni ambjent' u 'kummissjoni sports' u 'notifiki ghal imgiba korretta fuq ix-xtajtiet', meta tara li fil-parrocci stess qieghed ikun hawn dan it-tahwid kulturali kollu fejn festa ssir b'mod u sena ta' wara l-istess festa jaqilbuha ghal wahda 'below standard' ibbazata aktar fuq kitarri u cerimonja ta' l-ghaggla u ta' malajr?  Problemi hemm hafna u l-ikbar problema hija li hemm parrocci li qed ikunu traskurati u hemm qieghed jaghlaq ghajnejh it-tnejn ghaltaparsi mhux qed jinduna.  U n-nies issa qieghda tixba u jkun ahjar jekk isiru t-tibdiliet necessarji f'certu parrocci, ghax in-nies iktar se titbieghed mill-knisja jekk jibqghu imexxu certu nies. 

Naqbel 100% ma din l-ahhar post.  Kollu minnu li nkiteb.  Is-sekularizmu qed jifni l-knisja ta' Kristu fin fin.

Jien l-hena tieghi meta mmur barra infittex il-quddiesa Tridentina (Grazzi ghall-mahbub papa konservattiv Benedettu XVI), hawn Malta jghadduk b'mignun jekk tipproponiha.  Bil giri jghadduhielek.X'jippurtahom mill-Motu Propio! Hawn Malta kull qassis hu l-papa u flok Motu Propio ghamilna Moto IMpropio! L-aqwa l-kitarri u xi Amazing Grace - kocc muzika profana.  Fejn hi s-serjeta?

Taf x'inhi l-ironija li l-kapillani m'ghand id-dilettanti jigbru l-flus (ghax min ma jhobbx il-festi ma jaghtix), imma imbghad il-kappillani juzaw dawk il-flus li gabar m'ghand id-dilettani biex jghoghob lil dawk li ma jahmlux il-festi jaghmel xi quddiesa Taize, jinvolvi l-"kommunitajiet" parrokjali, l-ghosrien jaghmilhom bil-Malti (jekk ma jeqridhomx) ecc ecc.  U dan kollu bil-barka (jew ahjar bil-paravendu) tal-Kunsill Parrokjali - ghax hekk titlob l-ispiritwalita.  U erhilhom lis-surmastrijiet Nani, Bugeja, Camilleri u Diacono jitqalbu f'qabarhom imsieken.

Quo Vadis Ecclesiam Melitae?

Skuzani, habib, izda nahseb li ma fehmtx. Ma tistghax tpoggi kull kunsill parrokkjali f’kejl wiehed. Ma tistghax tghid kif inhu ffurmat l-kunsill parrokkjali tar-rahal jew belt tieghek jekk qatt ma mort laqgha.Ma tistghax tikkumenta fuq xi inhu jigri f’belt jew rahal iehor fid-dawl ta` dak li qed jigri fir-rahal jew belt tieghek. Ghogobni hafna dak li kiteb Josef fuq x’gara f’Hal Tarxien. Peress li qatt ma tghallimt il-Latin, jien personali jghogobni l-ghasar bil-Malti ghax hekk nista` nsegwih, nifhmu u nkompli mall-gemgha f’din it-talba sabiha. Habib, nerga` nghidlek indaga naqra; ghalkemm perswaz lidan il-parir li tajtek huwa ghal xejn. Grazzi xorta wahda talli irrispondejtni.

Nahseb li l-parrocci imxu differenti minn xulxin, barra l-fatt li kappillan huwa differenti minn iehor.  Hemm veru ma min tista tithaddet u hemm min ma tistax.  Fuq il-Kunsilli Pastorali, nemmen li jaghmlu hafna gid, imma li rridu nghidu huwa li f'certi kazi, kemm il-liturgija tal-festa u kemm it-tradizzjonijiet tal-festa f'dawn il-kunsilli qed jigu traskurati ghax qed ikun hemm grupp li huma meghdijin wisq pastoralment u fit-tradizzjonjiet liturgici mhumiex intizi.  Nahseb ukoll li certu kummissjonijiet mhumiex organizzati u hemm hafna tahwid u nahseb li tant kemm hemm nuqqas ta' organizazzjoni li dejjem tghaddi ta' dawk li jridu jzidu l-modern u jnaqqsu dak li hu tradizzjonali.  Jien nixtieq inkun naf verament minghand dak ta' Hal Tarxien, jekk it-tibdil ta' l-Ghasar giex diskuss jew le fil-laqgha tal-Kummissjoni Pastorali tal-parrocca taghhom?  U jekk gie diskuss, nixiteq inkun naf x'ragunijiet ta l-kappillan biex dawn l-Ghosrien jitbiddlu u jsiru fil-forma modernissima li saru dinis-sena?  Grazzi hafna.

Gheziez hbieb,

Nixtieq naghti kumment anki jiena rigward il-kunsill pastorali tar- rahal tieghi (HAL GHAXAQ) u ktibtu kbir biex kullhadd jara minn fejn jien.

Il- nies ta dan il- kumitat il-maggoranza kbira ta l-abitanti tar-rahal hadd ma jafhom, jien membru ta socjeta fir-rahal u kien hemm snin li dawn ic-certi nies bdew jipruvaw jindahhlu kif jsiru il-festi. Bdejn nindaga naqra biex nara min huma dawn in-nies li lili l-ewwel wiehed jridu jindahhluli kif jsir il-festa meta jien wiehed minn dawk li gej minn familja antika u attiva go socjeta tal-festa. L-iktar li nhraqt tafu x'hini? Li tlett kwarti minn dawn l-angli tal- paci lanqas biss huma mir-rahal !!!!! u riedu jindahhlu kif issir festa gor-rahal. L-aqwa li issa jindahlulek kif se taghmmed it-tarbija tieghek u il-kant fil-knisja gibnieh isek edt tisma diska ta Joe Demicoli, jew jitellghu jaqraw fil-qari u il-kelma t'Alla naqrawa issa xi radju dramm ta Twanny Scarpello

Dawn l-affarijiet huma parti mill-konsegwenza li in-nies qeghda taqta mill-quddies ghax x'hin nara dawn il-kummiedji sirt jew noqghod nhares lejn il-pittura, jew nqum u nitlaq il-barra jew l-ahjar haga li qieghed naghmel dan l-ahhar hi li mmurr nisma quddies ximkien iehor u allinqas ma narax tejatrin

Buy Qualified Gadgets at Low Price! Huge 3C Store with Worldwide Free Shipping Selling iPhone Accessories Computer Accessories and More www.dinodirect.com

Ads by Aimoo